ಗುಡಿಯಲ್ಲಿ ಕುಳಿತು ಗಣತಿ ಮಾಡುತ್ತಿರುವ:ಬಿ ಎಲ್ ಓ

*ಇಂಡಿ:

ಬಿ ಎಲ್ ಓ (Booth Level Officer) ಎಂದರೆ ಭಾರತೀಯ ಚುನಾವಣಾ ಆಯೋಗದ (ECI) ವತಿಯಿಂದ ನೇಮಕಗೊಂಡ ಬೂತ್ ಮಟ್ಟದ ಅಧಿಕಾರಿಯಾಗಿದ್ದಾರೆ.ಇವರು ಸ್ಥಳೀಯ ಸರ್ಕಾರಿ ನೌಕರರಾಗಿರುವ ಇವರು,ತಮ್ಮ ವ್ಯಾಪ್ತಿಯ ಮತದಾರರ ಪಟ್ಟಿಯನ್ನು ನಿಖರವಾಗಿಡುವುದು, ಮನೆ-ಮನೆಗೆ ಭೇಟಿ ನೀಡಿ ಮಾಹಿತಿ ಕಲೆಹಾಕುವುದು ಮತ್ತು ಚುನಾವಣಾ ಪ್ರಕ್ರಿಯೆಗಳು ಸರಾಗವಾಗಿ ನಡೆಯುವಂತೆ ನೋಡಿಕೊಳ್ಳುವುದು ಇವರ ಮುಖ್ಯ ಕರ್ತವ್ಯವಾಗಿದೆ. ಆದರೆ ಇಂಡಿ ತಾಲ್ಲೂಕಿನ ತಡವಲಗಾ ಗ್ರಾಮದ ವಾರ್ಡ್ ನಂಬರ್ 7ರ ಬಿಎಲ್​ಓ ಲಕ್ಷ್ಮಣ್ ವಿಠೋಬಾ ಕೊಂಕಣಿ ಅವರು ತಮ್ಮ ಪ್ರಮುಖ ಕರ್ತವ್ಯಗಳು ಮತ್ತು ಜವಾಬ್ದಾರಿಗಳನ್ನು ಮರೆತು ತಮಗೆ ಅನುಕೂಲವಾಗುವಂತೆ ತಡವಲಗಾ ಗ್ರಾಮದ ಕಕ್ಕಯ ಓಣಿಯಲ್ಲಿ ಇರುವ ಶ್ರೀ ಅಂಬಾಭವಾನಿ ಮಂದಿರದಲ್ಲಿ ಕುಳಿತು ಕಾರ್ಯನಿರ್ವಾಹಕ ಮಾಡುತ್ತಿರುವುದು ಕಂಡು ಬಂದಿದೆ. ಮತದಾರರ ಪಟ್ಟಿ ಪರಿಷ್ಕರಣೆ ಮತ್ತು ನೋಂದಣಿ:ಮನೆ-ಮನೆ ಸಮೀಕ್ಷೆ: ನಿಗದಿತ ನಮೂನೆ (ಫಾರಂ) ಗಳನ್ನು ಬಳಸಿಕೊಂಡು ಮನೆ-ಮನೆಗೆ ಖುದ್ದಾಗಿ ಭೇಟಿ ನೀಡಿ ಮತದಾರರ ವಿವರಗಳನ್ನು ಪರಿಶೀಲಿಸುವುದು.ಹೊಸ ಮತದಾರರ ಸೇರ್ಪಡೆ: 18 ವರ್ಷ ತುಂಬಿದ ಅರ್ಹರನ್ನು ಮತದಾರರ ಪಟ್ಟಿಗೆ ಸೇರಿಸಲು (ಫಾರಂ-6) ಸಹಾಯ ಮಾಡುವುದು.ಹೆಸರು ತೆಗೆದುಹಾಕುವುದು / ತಿದ್ದುಪಡಿ: ಮೃತಪಟ್ಟವರ ಅಥವಾ ಬೇರೆಡೆ ಸ್ಥಳಾಂತರಗೊಂಡವರ ಹೆಸರುಗಳನ್ನು ಪಟ್ಟಿಯಿಂದ ತೆಗೆದುಹಾಕಲು (ಫಾರಂ-7) ಮತ್ತು ತಪ್ಪುಗಳಿದ್ದರೆ ತಿದ್ದುಪಡಿ ಮಾಡಲು (ಫಾರಂ-8) ಅರ್ಜಿಗಳನ್ನು ಸ್ವೀಕರಿಸುವುದು.ಆಧಾರ್ ಲಿಂಕ್: ಮತದಾರರ ಗುರುತಿನ ಚೀಟಿಗೆ ಆಧಾರ್ ಸಂಖ್ಯೆ ಜೋಡಿಸುವುದನ್ನು (ಫಾರಂ-6B) ಖಚಿತಪಡಿಸುವುದು.ಚುನಾವಣಾ ದಿನದ ಕರ್ತವ್ಯಗಳು:ಮತಗಟ್ಟೆ ನಿರ್ವಹಣೆ ಮತ್ತು ಮತದಾರರಿಗೆ ಮಾರ್ಗದರ್ಶನ ನೀಡುವುದು ಇವರ ಕರ್ತವ್ಯವಾಗಿದೆ.ಆದರೆ ಚುನಾವಣೆ ಆಯೋಗ ಎಲ್ಲ ಆದೇಶವನ್ನು ಗಾಳಿಗೆ ತೂರಿ ತಮ್ಮ ಹತ್ತಿರವೆ ಮತದಾರರು ಬರಬೇಕು ಎನ್ನುವಂತೆ ಕಾರ್ಯ ನಿರ್ವಹಿಸುವ ಅಧಿಕಾರಿಗಳ ವಿರುದ್ಧ ಕಠಿಣ ಕಾನೂನು ಕ್ರಮ ಜರುಗಿಸಬೇಕು ಎಂದು ಸಾರ್ವಜನಿಕರು ಆಗ್ರಹಿಸಿದ್ದಾರೆ.